ام صابر مش عايزه تصبر
--------------------------------------------------------------------------------
أم صابر مش عايزة تصبر قال اية ياعينى من الصبر صبرت
والصبر منها زهق وطهق حتى صابر يعنى من صبرة مبقاش بيصبر
والبت صابرة ماتت من القهرة وقال اية ياعينى ماتت وهى بتصبر
وام صابر بتصبر دايما من الجوع بتصبر وعايشة مع راجل الصبر منة زهق وهرب
اة ياصابر لية بتصبر كفاية يابنى على الصبر قلبي مش قادر يصبر
اة ياما ماانا كمان مش قادر اصبر الصبر اصبح شوك في جسمى بيشك يااما
اة يابنى ياصبر لامتى هاصبر على الجوع وعلى ابوك يابنى اصبر
الصبر راح والصحة راحت وقال اية يابنى بسميك صابر ياعمرى
كرهت اسمى ياما ومش عرف اغيرة افضل لامتى ياما صابر على الجوع والمرض
اصبر يابنى لحد مالدنيا تتغير والرخص يرجع لزماننا
اصبر لامتى يااما عمر الرخص مايهرجع دة حتى الصبر يااما ماغلى وحياتنا رخصت
يلا ياصابر يابنى نبيع الصبر علشان نقدر ناكل ونعيش
يااما الصبر غلى يااما ومش عارفين نصبر
حتى الصبر يابنى هرب منا زى الجوع يابنى ماعشش جوانا وبداخلنا
ام صابر مش عايزة تصبر هتصبر على جوزها العبيط ولابنتها اللى ماتت من الجوع ولا صابر اللى من الصبر جاع
__________________
موضوع: ام صابر مش عايزه تصبر 
الأربعاء مارس 19, 2008 10:12 pm