هما مين واحنا مين؟؟؟

هما مين واحنا مين؟؟؟

--------------------------------------------------------------------------------

هما مين واحنا مين..؟
هما الأمراء والسلاطين..
هما المال والحكم معاهم..
واحنا الفقرا المحرومين..
حزر فزر.. شغل مخك..
شوف مين فينا بيحكم مين؟!!

احنا مين وهما مين..
احنا الفعلا البنايين..
احنا السنة واحنا الفرض..
احنا الناس بالطول والعرض..
من عافيتنا تقوم الارض..
وعرقنا يخضر بساتين..
حزر فزر.. شغل مخك..
شوف مين فينا بيخدم مين؟؟!!

هما مين واحنا مين..
هما الامرا والسلاطين..
هما الفيلا والعربية..
والنساوين المتنقية..
حيوانات استهلاكية..
شغلتهم حشو المصارين..
حزر فزر.. شغل مخك..
شوف مين فينا بياكل مين؟؟!!

احنا مين وهما مين..
احنا قرنفل على ياسمين..
احنا الحرب ، حطبها ونارها..
واحنا الجيش اللي يحررها..
احنا الشهدا بكل مدارها..
منكسرين او منتصرين..
حزر فزر ..شغل مخك..
شوف مين فينا بيقتل مين؟؟!!

هما مين واحنا مين..
هما الامرا والسلاطين..
هما مناظر بالمزيكا..
ودماغهم طبعا استيكا..
بس البركة بالميازين..
حزر فزر ..شغل مخك..
شوف مين فينا بيخدع مين؟؟!!

هما مين واحنا مين ..
هما الامرا والسلاطين..
هما بيلبسوا اخر موضه..
واحنا بنسكن سبعة في اوضة..
هما بياكلو حمام وفراخ..
واحنا الفول دوخنا وداخ..
هما بيمشوا بطيارات..
واحنا نموت بالاوتوبيسات..
هما حياتهم بامبا جميلة..
هما فصيلة واحنا فصيلة..
حادي بادي ياعبد الهادي..
ياللي عليك قصد الغنوادي..
لما الشعب يقوم وينادي..
ياحنا ياهما في الدنيادي..
حزر فزر ..شغل مخك..
شوف مين فينا حيغلب مين؟؟؟!!!!!!


الشاعر المبدع :احمد فؤاد نجم
__________________

قيل لي.. عندما نتكلم نحن اصحاب مبادئ...
وعندما نعمل...
نحن اصحاب مصالح..فلم أقتنع .. حتى عشت