اليويو لاحمد فؤاد نجم
--------------------------------------------------------------------------------
يا واد يا يويو يا مبراراتى
يا جبنة حادقة
علي فول حراتى
استك لسانك
فارد ولامم
حسب الابيج
يا مهلباتى
يا واد يا يويو يا مهلبية
فوق الصوانى
سايحة وطرية
في كل جلسة
تلبس قضية
و تخيل عليها يا مشخصاتى
حسب الو ظيفة
و انت وشطارتك
تظهر حلاوتك
تظهر مرارتك
لو خفضوك
ترتفع حرارتك
لو صعدوك
تنقلب جيلاتى
و بالمناسبة
و انت الي ادري
كان لك تحفظ
علي المبادرة
لية النهاردة
بترش بودرة
يا ابن الابالسة يا ملطفاتى
و في النهاية
لك عندي كلمة
اخر طريقك
زوحل وضلمة
حيث ان اخر
القرع ضلمة
يا اما كفتة
من عند العاجاتي
يا واد يا يويو يا مبراراتى
__________________
موضوع: اليويو لاحمد فؤاد نجم 
الأربعاء مارس 19, 2008 10:24 pm